Ang Kapanganakan ni MB!!?

Halos dalawang dekada na rin ang lumipas simula ng maisipan kong magsulat. Tama, It was all written in our walls, kasama ang mga stick people at ang mga marka ng ketchup na aking ipininta. Ilang beses din akong pinalo ni Mommy dahil bakit daw mas pinipili kong sulatan ang dingding namin kesa ang mga drawing book na binibili nila.

Tumigil lang akong magsulat sa dingding simula nong pinabura sa akin ng daddy ang mga pinagsusulat kong mapa, baboy, isda, prophecy, password at bank account ni daddy. Nahirapan talaga kong burahin yun gamit ang liquid paper ni ate. Simula non, di na ko nagsulat.

Hanggang tumuntung ako sa pagiging High School, bumalik ang lahat ng pag-ibig at pananabik ko sa pagsusulat simula ng mabigyan ako ng position sa aming Campus Paper.

Naisipan kong gumawa ng libro pero umabot lang to hanggang sa split ends ng mga bangs ko. Dumating ang college at naging parte na naman ako ng School Magazine bilang isa sa mga editorial staff. Dito nabuo ang MACHONG BUTIKI, una dahil nakilala ko si SEKSING BUBUYOG na nagbigay inspiration sa akin na magtago sa pangalang MB (ayun kay jason.hamster) pangalawa, upang isiwalat ang mga karumaldumal, karimarimarim, at kasuklamsuklam na pangyayari sa aming school.

Hindi rin ngyari ang lahat ng plano, naging sobrang busy ako sa lahat ng pagsusulat sa magazine at pag-aayos ng ibat ibang program ng school at ng Organisasyon ng mga Binhi. Kaya instead na mga issues regarding our school ang lumabas ay mga personal pains and deep longings ang naisulat ko. Nawala si Seksing Bubuyog for good, at hindi ko na siya nagawang contactin pa. Kaya nawala na din talaga ang buong rason nI MB para ipagpatuloy ang malaIMBEstigador nitong motibo.

Gayunpaman, nakilala ko ng tuluyan si MB sa aking mga daliri, Machong macho sa tindig pero sa kabila nito madami pala siyang dinadalang kalungkutan at pinapasang paghihirap.

Nakakatuwang isipin dahil kahit ganun ang kanyang situation madami akong natutuklasan sa kanya. Ang napakasayahin at napakajolly person sa totoong buhay ay may mala marshmallow din palang part.

Marami akong natutunan sa kanyang mga ideyolohiya na kahit mismo ako ay hindi ko maintindihan. May mga bagay na napakasimple pero alam mong may sense, mga bagay na totoong experience, totoong may buhay at may kulay.

 

INAANYAYAHAN KITA NA SIYA AY KILALANIN SA KANYANG MGA BLOGS AT KALOKOHAN. =)